SOBRI U ÓRGANO
Nu conciertu que vamus a uivil, se interpretarán obras du siglu XVII y XVIII dus compositoris: Johan Sebastian Bach, George Philippe Teleman, George Häendel, Johan Pachelbel.... Comu nun temus un órganu de tubus, u conciertu se interpretaŕa en un órganu eléctricu. Istu mus dará a posibilidai de seleccional, ademáis du órganu, u timbri de:
Clave, que é un instrumentu de corda, pareciu au pianu pero con un soniu mu diferenti. Algu mais metálicu.
Carrillón, que é un instrumentu dondi u soniu se produci con campanas o tubus.
U órganu se coloca normalmenti nus corus dus templus, ya que é un instrumentu que nun se poi movel. Hoxi está nu altar a vista de tos. Cosa que fai u conciertu mais amenu au públicu. A particularidai du órganu, é que un soniu se poi prolongal tantu comu u organsita quera. U que caracteriza u lenguaji organísticu.
Antiguamenti, nun solu nas catedrais si no en mutas iglesias, se fician contratus indeficius a organistas pa acompañal to tipu de servicius litúrgicus. Hoxi en día, esta tradición solu se manten en centru Europa.
SOBRI U INTÉRPRETI
Mavi (Manuel Vicente Pascual Gómez), Changarra, Gazpachu y dus Pascuais, tubu a sorti de crecel rodeau da música de sei abuelu Gabriel Gómez Carrizu, u du Centru. Heredó a perseverencia nu traballu, du sei padri Mauriciu Pascual Diéguez. Mentras que a creatividai viñu da sua madri Catalina Gómez.
Au terminal us estiduius de pianu en Madrid, continuó na Suiza us estudius de música antigua: A música du renacimentu. Na Suiza foi contratau comu organista na comunidai cristiana protestanti de Grellingen, a pocu menus de media hora de Basilea. Acompañandu to tipu de ritus litúrgicus, foi aprendeu u pocu que le faltaba pa compreldel a grandiosidai du órganu de tubus.
SOBRI U CONCIERTU
Esti conciertu é una donación da Concejalia de Arti, Cultura y Tradicións du nosu Ayuntamentu pa conseguil fondus, pudendu asina continual as obras que desde fai uns anus se levan desarrollandu nu salon Parroquial.
Se agradecin as propinas y donacións dus asistentis á seida du conciertu, nun solu pa continual as obras, si no pa que se acabin prontu, podendu disfrutal u antis pusibli du novu Salón Parroquial.
Este diario lo hacemos todos. Contribuye a su mantenimiento
ING Direct - Sierra de Gata Digital
Nº CC ES 80 1465 010099 1900183481