¿Vus imagináis un Facebook serranu con grupus, xogus, informaciós y forus esclusivamenti sobre a Serra de Gata y seis paisanus? Pedro Geraldes así u ha imaginau y a creau Soycial.es, a primeira red social da Sierra de Gata.
Desde Valverdi du Fresnu, Geraldes espera que esta red se extienda por toa a Sierra comu unha gota de aceiti. Sei primer mediu centenar de usuarius procedin, fundamentalmenti, de Valverdi --lugal de origin d'esti emprendedol--, de pueblus viciñus, y de genti que vivindu en otras zonas de España, volvin a sei pueblu en épocas estivais. A gran novedai e sei alcanci geográficu. "Us amigus virtuais en Soycial.es tamén serán coñocius na vida real en mayor o menor medía porque tos somus da Serra".
Pedro Geraldes volveu a sua localidai natal, Valverdi du Fresnu, en 2008, dispois de traballal duranti anua pa distintas agencias de publicidai. Agora esto diseñador web autodidacta, s'a embarcau nesti proyectu personal.
Ademáis de grupus de interés, amigus comúns, galería de imagens, chat y forus, Soycial.es ha incorporau fai ná un calendariu de eventus y un mercadillu de segunda man. "A ventaja d'esti mercadillu, comenta u diseñador, e que se vai a dar unha mayor vida útil a certus articulus comu poin ser sillas pa bebés u otrus utís; que podrás contactal y visital au propietariu pa vel u artículu 'in situ' y que us costis da recollía serán sempri mais baratus porque us intercambius se fain entre localidais cercanas".
"Soycial ofreci un únicu sitiu común pa xugal; pa chateal; pa compartil; vel y comental fotus o vidius; pa estar au dia de us eventus que hay programaus; pa compral o vendel artículus y tó está cercanu y pasa a tei alrededol", analiza Geraldes.
"Soycial jamáis tendrá u alcanci mundial de Feisbuc" recoñoci sei creadol, pero consigui darli unha volta a istu pa convertilo en unha ventaja, pues au non ser tan global, en Soycial, a parti de falal con teis viciñus, amigus y coñocius, sean de ondi sean; u 95% de as actividais, eventus y contenius que veas tendrán relación directa con u entornu da Serra y au ser un entornu viral comu son as redis sociáis, toa a nova información fervi de forma dinámica.
En esti sentiu, Geraldes tamen considera que Soycial e u mediu ideal pa us empresarius serranus du turismu, comou ferramenta pa seis clientis ondi obtel información práctica y au dia sobre as actividáis que se desarrollan na Serra de Gata.
Medianti un pulgón pertinente, us usuarius de Feisbuc poin entral en Soycial con seis datus de conexión e invital a seis amigus a participal y ficel grandi Soycial, a primeira red social serrana.
¿Te gusta leer en fala? Ayuda a la difusión y preservación de esta lengua minoritaria financiado el único diario del mundo que tiene una sección exclusiva escrita en fala.
ING Direct - Sierra de Gata Digital
Nº CC ES 80 1465 010099 1900183481
