Comu valverdeira queru ficel unha mención especial a sección que Sara ha dedicau con tantu mimu i admiración a fala.
Con u sei traballu ha contribuiu a ensalzar i difundir esta lengua minoritaria que falamus en As Ellas, Sa Martín de Trevellu i Valverdi du Fresnu. A través dus artículus publicaus en esti diariu digital a fala se ha feitu mais visibli i ha trascendiu a ámbitus mais amplius que u estrictamenti comarcal, ficendu posibli que en cualquer lugal du mundu as persoas interesás en esta lengua podan familiarizarsi con ela. Esti feitu posibilita progresar en unha normalización de a fala comu mediu de comunicación escrita, modalidai ésta de mui escasa i recenti tradición, por u que e mui de agradecer u soporti que u diariu afreci pa tal fin.
Creemus firmimenti en a necesidai de que esti mediu de comunicación siga ficendu a labor que hasta u momentu desempeñaba i, con u respaldu de toas as administracions poda inclusu ampliar a sua oferta. En esta labor conta conmigu i con un importanti grupo de colaboradoris pertenecientis a Asociación Cultural A Nosa Fala, que estamus a sua enteira disposición.
Ayúdanos a continuar trabajando por ti y por esta tierra realizando tu aportación aqui
