Imprimir

II. Julio nu ceu da Serra

M42 / Traducción Franjo Antúnez Navais | 01 de Julio de 2013

Aproveitandu as limpas y acogedoras noitis de verán, nus vamus a dedical a buscal algún-as constelacions que nun son especialmenti brillantis en estrelas, pero varias de elas sin son ricas en cúmulus y nebulosas (cap.10) que, con sorti y paciencia, podremus observal a simpli vista

Esti mes cuiu nomi guarda u recordu du emperadol romanu JULIU Cesar.

Aproveitandu as limpas y acogedoras noitis de verán, nus vamus a dedical a buscal algún-as constelacions que nun son especialmenti brillantis en estrelas, pero varias de elas sin son ricas en cúmulus y nebulosas (cap.10) que, con sorti y paciencia, podremus observal a simpli vista. Viajamus otra vé a zona sur du Zodiacu, a constelación cuya dirección marca u corazón da nosa galaxia: SAGITARIUS (cap.10).

Primerius de juliu, a isu da 1 da madrugá. A TETEIRA de Sagitariu está mais o menus a un palmu sobre a zona comprendía entre Coria y Calzadilla; NUNKI a un palmu entre Calzadilla y Guijo de Coria, y KAUS AUSTRALIS a un poicu menus de un palmu sobre Calzadilla.

Cuandu Charles Messier (cap.11) buscó objetus celestis pa clasificalus, dondi mais encontró foi aquí, en Sagitariu. Aproximamenti a un palmu sobre Kaus Australis se podin vel comu manchas a simpli vista M8 (nebulosa LAGUNA) y M20 (nebulosa TRÍFIDA), y un poicu mais arriba y hacia a izquerda, M24 (PEQUENA NUBI ESTELAL DE SAGITARIU).

OPHIUCHUS y as duas mitais de u sei SERPENS (cap.19) se extendin desde Guijo de Coria hasta un poicu mais de Moraleja, y abarcandu un-a altura que vai desde casi dois palmus hasta un poicu mais de tres. A cabeza da Serpienti, a uns tres palmus sobre Moraleja, y tamen pur aquí, pero a dois palmus y mediu, UNUKALHAI.  Mediu palmu por debajo de esta y un poicu a sua dereita está M5, un dus cúmulus globularis mais chamativus du filmamentu. RAS ALHAGUE está a tres palmus y un poicu sobre Calzadilla, y ALYA, a que marca u final da cola, a uns dois palmus y mediu sobre Guijo de Coria.

Si siguimus levantandu a mirá hacia u zenit nus encontramus cun u CUADRAU DE HERCULES o a PEDRA ANGULAL (cap.24), a cuatro palmus sobre a zona entre Huélaga y Moraleja. RASALGETHI a tres palmus y un poicu sobre Moraleja, y KORNEPHOROS a tres y mediu sobre Huélaga.

Aproximamenti a mitai du lau dereitu du Cuadrau de Hércules está M13, u cúmulu globulal mais brillante de u hemisferio norti.

Y ya estamus aquí, entre a Cabeza da Serpienti y u Cuadrau de Hércules podemos vel u semicírculu formau pur as seti estrelas da COROA BOREALIS (cap.23), cun GEMMA o ALPHECCA a poicu mais de tres palmus sobre u paisaji entre Perais du Portu y Moraleja.

Y hasta u mes que ven, que vendrá cargau de pedras.

Puede ver este artículo en la siguitente dirección /articulo/a-fala/ii-julio-nu-ceu-da-serra/20130630113628010636.html


© 2019 Sierra de Gata Digital