Ismael Carmona García

Quasi que tolos grupus estuvun a favol del proponimientu, especialmenti de que s'aprendan i se respetin estas lenguas. Testimoniu dellu, la gravación ena sessión d'essi día dela Comisión

Chacho, dispues que me pegué tola tardi de caminu pa dil a vél-la i da-li una surpressa, resulta que me salierun las habas cocosas: estava de viagi con el querindongo

Sigún el autol vivimus fresnéticus i, en mandandu callal, hazemus pol sentil nuestrus pensamientus que, sin embargu, no tienein ná que dizil, así que ponemus la teli. Dizía Einstein, dis, que avía dos cosas infinitas, el universu i la tontuna del ombri, peru que no era ciertu delo primeru

El autol crei que dendi que vinun paquí los romanus a tracamundeal el mundu lusitanu, nunca enantis amus esprimentau un acolturamientu tan hondu i en tantus andaris

Quandu diximus que temiamus ala "masificación" delas fiestas, no lo diziamus baldíamenti. Una fiesta pagana que se destacava pol revolutu, la rebujiña i el chungueteu á acabau por envertil-si en tolo contrariu, es dizil, en el ordin, el destraci i la formaliá

Sigún esti autol,  la palabra castúo tien de gastal-si en el sentíu que dixu Luis Chamizo en el “Miajón de los Castúos”, sin abarullal mas la custión. Las envestigacionis a tentu de qué es castúo i los estudius lingüísticus, que á hechu en esti tiempu, le llevan a llamal las cosas por su nombri. Esperu que cono espricau aquí s’aigan convencíu de hazel lo propiu i prencipiemus tós a dexal de tracamundeal las parabras

Muchus delos que están en el mundu delo estremeñu tien conocencia dela palabra castúo i no es ralu que la gastin en quijiendu dizil estremeñu, abarullandu dambas a dos vozis. Es mestel tesal una mijina pa comprendel que castúo no tien ná que vél con custión lingüística nenguna. Muchus no tendrán conocencia de que castúo no es una palabra populal, sino un enventu literariu

Muchas vezis no arreparamus enas cosas más cercanas, tolo contrariu, por causa delo que llaman globalización conocemus enantis lo dahuera que lo dadrentu. No se puei aguantal que dein larga a una coltura que se desentiendi por mé delas herramientas delas que ella mesma despón, entri que s’ahuegan otras muchas que no son escapás de espressal-si

Quiciás que la contiesta ala pregunta “óndi se palra el estremeñu?” no sea la más atiná: mejol preguntal por “quién palra estremeñu?”, pos en custionis de lenguas amenuías devemus de palral d'edais, no de sitiu

 

Un otru añu más el OSCEC s'ajunta an pie dela estauta de Gabriel y Galán en Caçris pa recordal la importancia que tuvu palas letras en estremeñu. La Asociación de Poetas Amigos de la Estatua a Gabriel y Galán, comu ca añu dendi vai ya 90 añus, aprepara pal día 6 d´eneru, fecha dela muerti del maestru i poeta, un omenagi sentíu arroeaus de associacionis, poetas, escrivientis, professoris, pairis, ijus i avuelus. La nuestra calavoración, conel omenagi a Gabriel y Galán, vinu por parti de varius biembrus que acuímus a recital, leel i palral

Comu ciudadanu estremeñu creu que es mestel huricheal el coquillu i la golienda pola conocencia la ralidá que mos arroea. La suerti que tenemus los estremeñus, en materia de coltura tradicional, es que es tan rica i variá, en ca una delas sus manifestaciones, que a ná que se cavuchei se topa el maniantal

Es el momentu de que, tuviendu comu tenemus las huentis pa poel envestigal el nuestru passau, las nuestras hormas de vida i de pensal, prencipiemus a sacal provechu d’ellu, landeandu lo que mos resulta más aparenti pa estus tiempus i adatandu lo que puiera aparecel-mus antiguau.

La lengua no es una cosa que se puei condural dun día pa otru comu un bacalau en escabechi, es precisu gastá-la a día a día i vivil en ella, entendel el mundu conos ojus delos antiguus que duranti tantus sigrus huerun conservantis d’esta manera de trasmitil i comunical-si

Una de las causas polas que se pierdi una lengua es la emigración. Es curiosu que en una tierra comu la nuestra tan grandi i tan...