jueves. 28.03.2024

Los puertus dela Raya del sul

Las rayas vistas por Miguel Aěngel Gonzaělez y Ricardo Chao en __El reino de Leoěn dentro de la corana de Castilla__
Las rayas vistas por Miguel Aěngel Gonzaělez y Ricardo Chao en __El reino de Leoěn dentro de la corana de Castilla__

Estas semanas atrás los canalis informativus apregonavan que qué poía passal si Uelva huera la tercel provincia estremeña. Denseguía expertos en custionis alministrativas i económicas opinavan, lo mesmu que las gentis d'Estremaúra i de Uelva. 

Comu passa con tó, semus ligerus pa dal el nuestru parecel i mesmu, angún osau s'arrisca a adotrinal con ellu: unus llevandu-si las manus ala cabeça creyendu que es una jangá i otrus tasmeandu dixiendu que poía trael cuentu pa dambas a dos tierras, por ahuyil de Sevilla por un lau i por dil en cata de puertu por otru. En vistu que muchus puebrus no encuentran provechosa esta governança, la otra o la otra, consideran que los arrayus no están bien tiraus. 

En Estremaúra entendemus muchu de rayas: la que mos pusun conos vezinus alentejanus mos truxu descalientus i hambri; la que mos parti en dos provincias enormis alo mangalochanu comu si Caçris huera Castilla i Badajós, Andaluzía (me riyu con estas gaspachás, dispensai); las que partierun las Urzis i la Xara en dos o mesmu la que queó en tierra de naidi los puebrus del valli de Guadiatu o los Pedrochis. 

Puebrus tan aparecíus colturalmenti se dan de rabu, peru son atraíus polas colturas rechinantis i enlatás delas capitalis-centrus políticus ata que pierdin por compretu la memoria dela su genética coltural.

Que Uelva quiera o no ajuntal-si a Estremaúra no tien que llamal tantu l'atención comu que no se reconoçan las comarcas naturalis i colturalis a esta parti dela Península: las sus gentis s'encuentran desapartás por una alministración mordajusta i çaleona i una coltura de lata que se hala por mé delos sus canalis de fachenda i alumbraeru el atillu del ombri cona tierra de nacencia. 

Comu tendrán ya barruntau los amigus letoris, polo que passa en esti país, el hormiguillu que mos entra por no estal sentaus agustamenti mos entumi las piernas i resulta compricau rebullil.

 Foto.- Las antiguas rayas vistas por Miguel Ángel González y Ricardo Chao en "El reino de León dentro de la corona de Castilla”. Diario de León 11 de junio de 2006. 

Este diario lo hacemos todos. Contribuye a su mantenimiento

ING Direct - Sierra de Gata Digital
Nº CC ES 80 1465 010099 1900183481

Los puertus dela Raya del sul