III Agostu nu ceu da Serra
Agostu nus regala de un modu mui especial as Perseidas, un-a lluvia de trozus du cometa Swift-Tutle, tamen cuñucías comu as Lagrimas de San Loernzu. Aunque podin sel vistas duranti casi to u mes, un-a das milhoris ocasions está entre as 4 y as 5 da madrugá de u día 12 au 13
Otru mes cun nomi de emperadol romanu, AUGUSTU. Y pa que non fora menus que Juliu Cesar le concederán tamen 31 días, cuandu a norma era dil alternandu sei númeru.
A nosa constelación zodiacal de oishi é CAPRICORNUS (cap. 15), un-a das mais pequenas y menus
Si siguimus levantandu a mirá, dentru da Vía Láctea nus encontraremus a brillanti ALTAIR (águila en vuelu), da constelación AQUILA (cap. 6), a casi tres palmus sobre Puebla de Argeme. Está rodea pur otras duas estrelas cun as que forma un ala, un poicu au norti TARZED, y un poicu au sur ALSHAIN, cuyus nomis procedin du persa “a estrela du halcón”.
A sua izquerda y a misma altura, pero sobre Guijo de Galisteo, pudemos vel, cerca da Vía Láctea, un bonitu rombu de cuatru estrelas, que son a cabeza de DELPHINUS (cap. 15) sendu da agua. Tamen se cuñocin cun u nomi de U ATAUD DE JACOB.
Continuemus izandu us nosus olhus y au adentralnus ena Vía Láctea nus encontraremus cun a
Entre Albireo y Altair se ven cuatru estreliñas alinias da constelación de SAGITTA (cap. 25).
Ena orilla da Vía Láctea contraria a de u Delfín reluci, ena constelación de a LYRA (cap. 6), a quinta estrela mais brillanti du filmamentu, VEGA (águila du desertu), ya cercana au zenit (cap. 3).
Pero u que agostu nus regala de un modu mui especial son as PERSEIDAS (cap. 9), un-a lluvia de
Que a sorti nus acompañi y a vida nus trati cun dulzura.