martes. 19.03.2024

COSINAS DE LA NUESTRA SIERRA 1754-1765. Alchibu del lugal lus´Oyus (III)

Manuel delas Eras, escrebano dela su Magestá i el su Recestol de primel númiru dela Rial Chancillería dela ciá de Vallaolí, ena ehecución i cumplimentu  dela Rial Provisión compulsoria delus señóis Presienti i Oyioris della i citacionis, na su virtú jechas, testificu i doi fe que, oi 24 de setiembri de 1766, estandu enas casas del Ayuntamento desti lugal lu   s´Oyus ondi s´alla el archibu papelis dél, abiéndussi abieltu pol Franciscu dela Torri, arcaidi, i Franciscu Rodriguis d´Aru, escrebano del Ayuntamento desti dichu lugal lu s´Oyus.

 

Cosinas de la nuestra Sierra
Cosinas de la nuestra Sierra

Esibiossi, anti mi mesmu, un cuaelnu, de papé d´ofidiu, que componissi de treci fojas sin filma dalguna, del repartimientu d´abenençias delas bentas i contratus qu´an causáu lus veçinus desti lugal, correspondienti al alcabalatoriu l´añu 1752. Lus señóis Juan Casillas Picáu i Alonsu Casillas, arcaidis, i Lorenzu Arroyu Corderu, procuraol síndicu, cun Franciscu Casillas, Miguel Gomis, Franciscu Torris i Diegu Casillas, juramentáus, passarun a jazel el referíu repartimientu, qu´es una lihta delus veçinus desti dichu lugal lu s´Oyus, repaltiendu acá unu diferentis cantiáis maravedíis pola espresá radón, sinque nel dichu cuaelnu aya filma dalguna.

Otru cuaelnu esihibiossi anti mi, que componissi de cincu fojas de papé  cun ofidiu, tamién sin filma dalguna, del repartimientu delus cantarus mohtu que débenssili dal al ciruhanu desti lugal lu s´Oyus pol assestil, a lusus veçinus enas enfelmeás i andanzius. Dél resurta qu´en premeru d´octubri l´añu 1754, lus señoris Husticias i Conçehu desti lugal  lu s´Oyus, don Juan Casillas Picáu i Alonsu Benitu, juramentáus, passarun a jazel el referíu repartimientu qu´es una lihta del veçindariu i, al úrtimu dela raya que ponissi acá unu, sin ponel desotras rayas, delas cantaras de vinu quecá unu debió pechal.

Anssí mesmu esibióssimi otru cuaelnu que componissi de dies i seis holius escribíus nel dichu papel de ofidio, sin filma dalguna, del repartimientu d´abenençias delas rentas i contratus que causaron lus veçinus desti lugal lu s´Oyus nel añu 1755. Dél resulta qu´un 18 marzu 1756, lus señoris don Ciprianu Durán i Franciscu, ijudalgu, i Alonsu Benitu, arcaldis, i Franciscu la Torri, procuraol síndicu, cun Juan Requeju Ricoma, Franciscu Rodriguis d´Aru, Andrés Giralti Requeju i Poncianu Galbán, juramentáus, passarun a jazel el citáu repartimientu, qu´es un veçindariu, cargandu acá uno luque repartióssili poresta espresá razón.

Esibióssimi, desti alchibu, otru cuaelnu, que componissi de nuevi holius escribíus enun papel de a venti, del repartimientu del serviciu oldinariu i estrardinariu. Állassi, al s´acabosi, cun diferentis filmas i autorizáu de Franciscu Francu de Jaqui, passáu pola Entendencia dela Ciá de Prasencia i deél resulta que, en 4 mayu 1757, el señó don Franciscu Alonsu Casillas, ijudalgu, arcaldi, i Alonsu Casillas Godinis, que tamién lu é, ca uno polel su estáu; don Franciscu Rodriguis d´Aru, don Pedru Alonsu Casillas, ijusdalgu, i Ventura Alonsu, regioris, Juan Picáu Alonsu, procuraol síndicu, con Juan Casillas Picáu, don Alonsu Godinis, Lorenzu Arroyu Corderu i Franciscu Peralis, juramentáus, i tolus veçinus desti dichu lugal lu s´Oyus, jiciérunssi citáu repartimientu, pusiendu ena lihta a tos lus veçinus lu s´Oyus i cargandu acá unu luque le correspondía pola tal radón.

Assín mesmu esibióssimi otru cuaelnu escribíu en cincu fojas de papé común, sin filma dalguna, delus repartimientus delus cientu i dies fanegas de sal, enque allabassi acopiáu este lugal. Dél resulta qu´en 28 mayu 1764, los señoris Franciscu Alonsu Casillas, ijudalgu, i Juan Arroyu Lopis, arcaldis, Diegu Periáñis, procuraol síndicu, con Peiru Alonsu Casillas, ijudalgu, i Ventura Alonsu Picáu, veçinus deesti lugal delu s´Oyus, juráus, passarun a jazel el citáu repartimientu qu´es una lihta del veçindariu, sacá raya acá unu lus veçinus, i a l´acabósi della, el númiru quele correspondi apechal. Entri ellus  allanssi encruíus don Alonsu Godinis, don Pedru Piñerus, el señó arcaidi don Franciscu Casillas, don Pedru Casillas, don Bernardu Casillas, don Juan Piñeru, regiol, don Tomás de Valençia, licenciáu don Manuel Casillas, don Diegu Herreru, don Miguel Gomis, don Ciprianu Durán, don Franciscu d´Aru, don Juan Godinis. Tamién allanssi encruíus, nel citáu repartimientu, diferentis señoris eclessiásticus.

Otru cuadelnu que eshibiossi, ante mi mesmu, de dies fojas escribías en papé de a venti, del repartimientu d´alcabalas, del añu 1765, qu´al s´acabosi allanssi diferentis filmas. Autorizáu i filmáu po l´Alonsu de Trebeju i Aru, escrebano. Aprobáu pola Entendencia dela ciá de Prasencia, i dél resulta que, en premeru d´abril 1765, sus mercéis don Tomás Antoniu de Valençia, ijudalgu, el licencíau don Miguel Casillas Picáu, abogáus delus realis Consejus; arcaldis, don Pedru Alonsu Casillas, ijudalgu, Antoniu la Torri i Domingu Giralti Requeju, regioris, Andrés Giralti Requeju, procuraol síndicu, con Bernardu Casillas, Alonsu Casillas Godinis, Franciscu la Torri i don Miguel Gomis, juramentáus, passarun a jazel l´enunciáu repartimientu ena jorma que lus´anticeentis.

 Autoriás lu s´Oyus mentás.

1752.- Juan Casillas Picado i Alonso Casillas, arcaldis.

Francisco Casillas, Miguel Gómez, Francisco Torres i Diego Casillas, regioris.

Lorenzo Arroyo Cordero, procuraol síndicu.

1754.- Don Juan Casillas Picado i Alonso Benito, Hustiçias i Conçehu.

1756.- Don Cipriano Durán i Francisco, hijodalgo, i Alonso Benito, alcaidis.

Juan Requejo, Francisco Rodríguez de Haro, Andrés Giralte Requejo i Ponciano Galván, regioris.

Francisco de la Torre, procuraol síndicu.

1757.- Don Francisco Alonso Casillas, ijudalgu i Alonso Casillas Godínez, arcaldis.

Don Francisco Rodríguez de Haro, don Pedro Alonso Casillas, ijusdalgu, i Ventura Alonso, regioris.

Juan Picado Alonso, procuraol síndicu.

Juan Casillas Picado, don Alonso Godínez, Lorenzo Arroyo Cordero i Francisco Perales.

1764.- Don Francisco Alonso Casillas, hijodalgo, i Juan Arroyo López, alcaidis.

Pedro Alonso Casillas, ijudalgu, i Ventura Alonso Picado, regioris.

Diego Periáñez, procuraol síndicu.

1765.- Don Tomás Antonio de Valencia, ijudalgu, don Miguel Casillas Picado,  arcaldis.

Don Pedro Alonso Casillas, ijudalgu, Antonio de la Torre i Domingo Giralte Requejo, regioris.

Andrés Giralte Requejo, procuraol síndicu

Bernardo Casillas, Alonso Casillas Godínez, Francisco de la Torre i don Miguel Gómez.

NOTA Testu originariu desti autol basáu ena trascrisción propia dela Ejecutoria del preitu litigáu pola hustiçia, regimientu i procuraol síndicu heneral del lugal l´Acebu (Caçris), cunus ijusdalgu de dichu lugal, sobri la negativa déstus úrtimos a pechar contribucionis. Acebu. Caçris. Ijusdalgu 1767-1810. Menesteriu de Curtura. Gobielnu d´Ehpaña. Alchibu dela Rial Chancillería de Vallaolí. Rial de Vallaolí. ES.47186. ARCHV/1.8.1//REGISTRU D´EJECUTORIAS, CAJA 3323,1./1767-10.

Nota 1. Entó el documentu original apaeci “Hoyos” cumu “el lugar de los Oyos”. En dalgún otru documentu é alcuentráu “L´Oiôs”

Nota 2. Nel apartáu “Autoriás l´Oyus mentás”, s´a respetáu el castillanu delus nombris delas presonas, pal su mehol recunoçimientu.

Afotu.- Ofidius ena Baha Edá Meya.

    

COSINAS DE LA NUESTRA SIERRA 1754-1765. Alchibu del lugal lus´Oyus (III)