Toas, toitas las tardis, sin escabullilsi ni tan siquía una, passa al renti desti mesón la señoa María Dativa. Arrebujá enun mantón de jilu negru, ató metel callina alanti ajila, cenachu d´espartu achucháu, amachambráu al su brazu. Si, si, por´aquí delantri mesmu, acá i quandu, caminitu l´elmita el Corderu.

Mentris el tren jecha una paraina enus´Oyus, güerbu un ratininu p´arrematal la estoria del bestardu las sieti cabeças. Queosi el relatu nel muséu dela Cia, anti el´aturruyu del Rei, jartu d´estrebejilis, sin sabel cumu desampuchal el´acertón. ¿El´eroi es el muchachu Fernandu o es el nombráu Fermín Sacasebus?

La primera referencia oficial de un ferrocarril cuyo trazado de vía atravesaba Sierra de Gata, data del año de 1888. Se trató de la línea de Ciudad Rodrigo a Cañaveral, pasando por el Puerto de Perales, atravesando la provincia de Salamanca en 40 Km de longitud (de Ciudad Rodrigo a Puerto de Perales), y la provincia de Cáceres, en 60 km de longitud  (de Puerto de Perales a Cañaveral), con un total de 100 km de longitud

Queósimi enreáu el acabaeru desta guapa leyenda, que aconteció velequí celquina, enas Sieti Juentis. Sos recueldu a tos que pa quandu s´á iu el Felnandu, un salteaol caminus, que chamaban cumu el Sacasebus, queó veleí azonchau cun toa la su panda bandíus, dela que era el manijeru. En viendu fenecíu el bestardu, en sieti carrus apossarun las sieti cabeças arrebanás delus´us sieti pescuezus i llevarunsilas al Rei. Relatarunli, a la su Majestá, cumu ubun de jazel, frenti ala temía bestia, i cumu chocolis l´estraña astitú dun muchachu que, juntu a tres perrus, agilarun cagalerosus laera abaju. Pa quandu golvió Felnandu estaba el Sacasebus artu d´atontal lus oyíus a tol puebru cun gabelas. I assín acotina esta estoria

Una ves que Felnandu ajincó ala selpienti las sieti cabeças, jue en cata dela su gelmana i del amol desta, el giganti Canchal. Era la su entención jazel gabilla cunellus i tamién convial-lus ala su boa. Peru, velequí que, ena su abentá, un novu presonaji cuelasi ena estoria pa quitali monta a aquel entrepiu muchachu.

Nel su cumprimientu, por Juan de Práu i Láçaru, cumu tal escrebanu l´Ayuntamentu l´Acebu, saco-si l´alchibu, enque allaba enssientu, una copia en´onci fojas útilis, sisnás i filmás de don José dela Cueva i Práu, escrebano dela ciá de Prasenzia, dela estrución espedía nel añu pasáu de 1713, po´lu correspuendienti a lu que debin guipal las justicias, enus´arrepartimientus delus´aberis rialis. 

Quandu Felnandu chegó a la gran ciá, aquellu paezia que veníassili p´arriba. Nunca enjamás guipó tanta genti arrejuntá yendu dun sitiu pa otru, ni tanta casa juntu a callis de tan güen anchol. Abía de to: juglaris, poetas, melcaeris, ciegus de romancis de coldel i mil cosas más asmirabris que montonabanssili ena su cabeça i nu poía ni describil. Jechó una guipaina a cumu la genti dançaba alreol varias fogueras esparramás a lu lalgu las callis, peru las sus caras más que jolgoriu denotaban cieltau angós, descalientu i ajuncu

Oi voi a cuntarbus l ́estoria de cumu el pairi frai Franciscu de Santa Catalina, definiol i procuraol dela probençia San Gregoriu Masnu de Cilipinas (Hilipinas), píi que déssili lus papelis pa embalcá cun cincuenta i seis relihiosus franzihcanus a essas ihlas, cuia lihta presenta frai Alonsu de Garrovillas, cun nazencia en ́Algarrobillas (Garrovillas), obihpáu Coria

Subiossi el gelmanu a lu artu dun naranju i, a l´inti, emprincipió asoplal el vientu cun tal juerza que paecía que l´arbú juera a salilssi dela tierra. Las ramas remuvíanssi dun lau pa otru cum´un entenguerengui. Caiérunssi toas las naranjas i encruso munchas delas fojas, peru Felnandu s´apercolló juerti, pa nu ajozical, i sintió cumu lus sus perrus ladrarun jasta que calmossi el vientu, salbándussi,  ábati, dela caía

Una mostra más de serragatinus, que jizun fachenda enas acullosas tierras dela Nueba Ehpaña, é esti autu defuntus, cumu tehtamentu dau por´Alonsu Morcillu, qu´ubu nacencia en Villasgüenas, ena Sierra Gata, que feneció siendu veçinu la ciá d´Antequera de Oaxaca. Méhicu (2). Nél echa dalgunus delus sus bienis a su ija María Alonsu. Pa fe i filmi ejecución, va sisnáu i filmáu, amás, pol don Miguel Lopis de Legaspi. 

Un cabreru d´Acebu contomi un día esti relatu que, sigún él, rutaba polus sombríus jocinus la Sierra. Diba i benía cunus cantarinis vientus del sur, al dolondón lus chocallus i al timiu tilineal las campanillas. Lu sembrarun lus mochilerus portuguesis enti tomillu i brezu, nessi cortu resuelgu quedá el dehcansio lu prohibíu. Hombri palcu nas sus parabras, i mu amigu de monosílabus i frasis coltas. Dedicomi el juhtu brevi tiempu quele premitió un´essaustivu resumin, sin aclaralmi si tratábassi de cuentu, leyenda o romanci. Un machu cabríu, de sonoru cencerru, que topaba a otru más nuebinu i jaquetón, rompió l´encantu de l´encuentru, enrolándunus nuna rehíla d´imáginis bucólicas.    

Del día 2 de diciembre de 1765, abemus cohtancia l´emprencipiu dun preitu litiháu pola Hustizia, Rehimentu i Ayuntamentu l´Acebu cunus ijusdalgu del dichu lugal, sobri la negatiba  destus úrtimus a apoquinal pol ciertus repartimientus

Aquella nochi el tassi de Franciscu Estavel ralidó su primel viahi a nenguna palti. Izin lus del puebru que quatru pasaherus, desconocíus pa ellus i cuyus rohtrus nu juerun bihtus, diban vozeandu unus cantaris estrañus de rismus africanus, nuna insólita meloía acompasá de palmah i bongus. Pol entri lus crihtalis delas bentanillas l´escoba del cielu sirbó en tonu de yass.

Quea pol un inti, don Silvestri Paraqué, la sala, p ́achergarsi a l ́alcoba d ́al láu i sacal, dunbotelleru chiquininu, de maera, una botella de vinu, que descorcha. Embroca suavementi un poquinu del tintu nun vasu, que reposaba pacienti nel basal, i lu poni al escontralús pa vel mehol la su colol brillanti, rubí intensu, endispués lu acelca a la su narí i, al cabu, lu cata cunun buchi chiquinu, que déhali frutosiá maura i especias. Confirmáu el güen estáu de l ́etílicu, se dirigió p ́andi queó Julia, ofreciéndoli el vinu. 

Al barruntal estu úrtimu, don Silvestri Paraqué canteó la su cabeça cumu jeríu polun rayu. Sentiossi el palpital rapiu del su coraçón i nu púu evital una miraina de desafíu qu´obrigó a bahal la su cabeça al úrtimu entrelocutol, vihtima del su desatinu. Nu era gustosu paná delus motis. Bastanti era huchealssi Silvestri, cumu las´alimañas i las matas del campu, cumu pa qu´agora huessi a quealssi cunun apóu. Peru nu paró el su ahilar. Nu estaba pa gromas presonalis quandu, pol una enyiná ahena, poía esmoronalssi un emparehamentu de güena genti

Caru amigus lehtoris, dispensás ya que m´arrochu a escrebil esti romanci abrandu delus minerus. Yo nu puéu dil a la mina pa ganalmi la gandaya pos cumu tos sabéis soy Emilianu “El Ciegu”

Nu ehtanti, la maior reserva de wolframio topabasi en Portugal. España abía chiqinas esplotacionis en Galicia, Salamanca i Estremaura, esgotás las reservas de Tornavacas (Caçris), al sel más intensa la estración del mineral

Endi antigu lus veçinus el Fresnu, qu´es aldea Gata, tien porfía pola Jesa Boyal polque el Conçehu Gata hazi las sus oldenanças al su favol, sacando provechu de quantu quiel enmendal i farrugal delas viehas.  Presúmissi qu´unas contradecían a las algotras, faratándulas, peru escambiándusi cumu nesedarias i cumplideras al Concehu la Villa, pal su regorçu, i essu achipotó de jielis a lus veçinus l´Aldea. 

Que por palti el Procuraol el Conçehu la Mesta abía síu demandáu el Conçehu la Villa Gata i labraoris del lugal Calçailla, c´abían queáu labrá i sembrá la Jesa el Fresnu sobri el rompimentu d´ella, sigún conteníasi na dicha demanda

La loba ergullosa levantó el su jopu, conun ansia grandi dio tres güertas al reil  i nu púu henchil na. A l´otra güerta que dio, sacosi la cordera branca, ija la oveha churra,  ñeta de la orejisana,  la c´abía el pastol, meyu ascondía, pal domingu Pascua

Mírami bien elmitañu, fiju pa los mis ojus. ¿Paeciti c´ubi, esti que ties delantri,  cara bobu?. Namás que ties fíhalti nesti facu Arbaceti, nel su mangu, en meta del meyu debujás dies meyas, ca una un mueltu i veleí que mese hazin a mi pocas las rayas i quandu reluci el su filu paeci que me di, te farta unu, i yo l´igu pa onci. ¿Nu serás tu pol una casoliá essi onci?.

Restralló el ruíu secu d´un disparu i,  a continu,  el gritu jeríu d´una presona, pu nu s´empareha gemíu d´animal silbestri d´aquella facheda.  Lus dos elmanus juerun a escapi p´allá i nel suelu n´ubu caíu ni corzo, ni cielvu, perdis o jabalín, sino una probi siñoa, qu´era leñaora, cun la su saya negra, pañuelu a la su cabeça, manus rezias, el su brazu sangrentáu, el rostru branquecinu, un jaci leña pa un lau, pal otru la segureja