XI. Abril nu ceu da Serra

Esti mes toca lluvia de meteorius, a LÍRIDAS, cun maiol actividai na noiti du 22 a u 23, i que se verá milhol nas primerias horas da madrugá. A sua radianti (cap.9) está entre Lira (cap.6) i Hércules (cap.24), a un poicu menus de 3 palmus hacia a dereita de Villanueva de la Sierra

Virgo Constellation
Virgo Constellation

¡Ai, madri minha, qué cabeza Se me ha olvidau puñel as etimologías dus tres mesis anterioris. En fin, u falhu dun-a alma distraía.

ENEIRU é, aunque en castellanu nun u pareza, u mes du dios JANO, que en latín se chamaba Januarius (notrus idiomas se conserva mais claramenti, pur ejemplu, January, en inglés, Januar, en alemán). FEBREIRU era u mes das purificacions, que en latín se relaciona cun u verbu “februo” purifical.

MARZU, de Martius, u mes du dios MARTE.

I ya estamus a u día: ABRIL, dedicau a diosa VENUS, nun se sabi si procedi dun-a palabra latina que significa “abrir”, pur u da apertura floral da terra en primaveira, o de un-a palabra griega relacioná cun “espuma”, que forma parti du nomi da diosa en griegu, AFRODITA, que naceu de ela.

Día 1, as 12 da noiti.

Esti mes solu un-a constelación ten un-a estrela mui brillanti: Virgo (cap.5), con SPICA (la espiga) a un poicu mais dun palmu i un poicu a dereita de Guijo de Coria. Hay que tel cudau pa nun confundila cun Marte, que nesa época está un poicu mais arriba i cun un-a magnitu pur debaju de -1 (cap.4), mentras que Spica solu ten magnitu 1. A un poicu menus de 2 palmus, i un poicu a izquerda de Morcillo, está PORRIMA (da diosa romana da profecía).

En Canis Venati o us Lebreis (cap.6) temus COR CAROLI (u corazón de Carlos), un poicu a izquerda de Santibañez el Alto i un poicu pur debaju de 3 palmus. Esta constelación ten ademais un dus mais hermosus cúmulus globularis du Hemisferiu Norti, M3, un poicu a dereita de Villanueva de la Sierra, a un poicu menus de 2 palmus y mediu y a GALAXIA REMOLINO, M51, un poicu a izquerda de Torrecilla de los Ángeles, i a un poicu mais de 2 palmus y mediu, que foi a primeira galaxia na que se descubriu a forma espiral.

Du corvu (cap.23), ALCHIBA (a tienda), a un palmu sobre Calzadilla, i un poicu mais a dereita, pero a un poicu menus de un palmu y mediu, GIENAH (u ala dereita du corvu).

Da Copa o Cráter (cap.23), ALKES (concu poicu profundu), a un palmu i mediu a dereita de Coria.

Esti mes toca lluvia de meteorius, a LÍRIDAS, cun maiol actividai na noiti du 22 a u 23, i que se verá milhol nas primerias horas da madrugá. A sua radianti (cap.9) está entre Lira (cap.6) i Hércules (cap.24), a un poicu menus de 3 palmus hacia a dereita de Villanueva de la Sierra.

I ya solu nus queda un viaji. Hasta entoncis, muta sorti.